ວາງສີລາລືກ ໂຄງການໂຮງແຮມ 5 ດາວ ລາວເຊັນເຕີ ຈຸດແລນມາກແຫ່ງໃໝ່ໃນນະຄອນຫລວງວຽງຈັນ

​ເຜີຍ​ແຜ່​ໂດຍ: admin|ຢ້ຽມ​ຊົມ: 3 ຄັ້ງ | ເວ​ລາ | 2025-05-04 01:05:59

ວັນທີ 20 ຕຸລາ 2024 ບໍລິສັດ ສຽນເສີງລົງທຶນ ອະສັງຫາລິມະຊັບ ຈັດພິທີວາງສີລາລືກ ໂຄງການກໍ່ສ້າງໂຮງແຮມ 5 ດາວ ລາວເຊັນເຕີ ທີ່ຖະໜົນຄູວຽງ ບ້ານພະໂພ ເມືອງສີສັດຕະນາກ ນະຄອນຫລວງວຽງຈັນ.

ທ່ານ ຫົງກ່າວໝິງ ຕາງໜ້າບໍລິສັດ ສຽນເສີງລົງທຶນ ອະສັງຫາ ລິມະຊັບ ຈໍາກັດ ກ່າວໃນພິທີວ່າ: ເພື່ອພັດທະນາຕົວເມືອງນະຄອນຫລວງວຽງຈັນໃຫ້ສວຍສົດງົດງາມ, ບໍລິສັດ ໄດ້ວາງແຜນພັດທະນາເຂດດັ່ງກ່າວ ໃຫ້ເປັນພື້ນທີ່ ທີ່ມີມູນຄ່າສູງ ທີ່ຕັ້ງຢູ່ຈຸດໃຈກາງ 5 ແຫ່ງສຳຄັນຄື : ສູນກາງເສດຖະກິດການເມືອງ, ສູນກາງການທ່ອງທ່ຽວ, ສູນກາງຄົມມະນາຄົມ, ສູນກາງຄວາມບັນເທີງ ແລະ ສູນກາງການຄ້າ. ບໍລິສັດໄດ້ສຸມໃສ່ການບໍລິການທີ່ຄົບວົງຈອນ ເຊິ່ງລວມມີ: ສະລອຍນ້ຳກະຈົກໃສແຫ່ງທໍາອິດໃນ ສປປ ລາວ, ຫ້ອງຮັບຮອງຊັ້ນດາດຟ້າ, ໂຮງແຮມຫ້າດາວ ທີ່ມີສິ່ງອຳນວຍຄວາມສະດວກຮອບດ້ານ. ພ້ອມດຽວກັນຍັງອີງໃສ່ຊັບພະຍາກອນທີ່ດິນທີ່ມີຂີດຈຳກັດໃນການພັດທະນາເພື່ອໃຫ້ເປັນສູນກາງການດຳລົງຊີວິດທີ່ສະດວກສະບາຍ ແລະ ທັນສະໄໝ, ຖືເອົາຄົນເປັນຫລັກເອົາລູກຄ້າເປັນສູນກາງ ໃນການສ້າງການດໍາລົງຊິວິດແບບເປີດກວ້າງ ແລະ ການປັບປ່ຽນການໃຊ້ຊີວິດແບບໃໝ່ໃຫ້ດີຂຶ້ນ, ພ້ອມທັງປະຕິບັດຕາມແຜນຍຸດທະສາດການພັດທະນາຕົວເມືອງນະຄອນຫລວງໃຫ້ສີວິໄລ.

ໂຄງການໂຮງແຮມ 5 ດາວ (ລາວເຊັນເຕີ) ໄດ້ເຊັນສັນຍາ ຮ່ວມມື ລະຫວ່າງ ກະຊວງປ້ອງກັນຄວາມສະຫງົບ ຕາງໜ້າໂດຍ ກົມໃຫຍ່ພະລາທິການ ກັບ ບໍລິສັດ ລາວມະຫາຊັບ ພັດທະນາ ຈໍາກັດຜູ້ດຽວ ໃນວັນທີ 26 ຕຸລາ 2023 ຈຸດປະສົງເພື່ອພັດທະນາທີ່ດິນເຂດຕຶກເກົ່າ ກົມໃຫຍ່ພະລາທິການ ປກສ ເປັນໂຮງແຮມ 5 ດາວ (ລາວເຊັນເຕີ), ພາຍຫລັງໄດ້ເຊັນສັນຍາຮ່ວມກັບ ກະຊວງປ້ອງກັນຄວາມສະຫງົບ, ວັນທີ 20 ມີນາ 2024 ບໍລິສັດ ລາວມະຫາຊັບ ພັດທະນາ ຈໍາກັດຜູ້ດຽວ ໄດ້ເຊັນສັນຍາສໍາປະທານ ນໍາລັດຖະບານ ກໍຄືພະແນກແຜນການ ແລະ ການລົງທຶນ ນະຄອນຫລວງວຽງຈັນ ແລະ ຂໍອະນຸຍາດຕ່າງໆໃນການສ້າງຕັ້ງໂຄງການນຳຂະແໜງການກ່ຽວຂ້ອງ ຖືກຕ້ອງຕາມກົດໝາຍ ແລະ ລະບຽບການ.

ໂຄງການໂຮງແຮມ 5 ດາວ ລາວເຊັນເຕີ ມີຄວາມສູງ 155 ແມັດ ໃນນິ້ປະກອບມີ: ຄອນໂດ, ໂຮງແຮມ, ສະໂມສອນຊັ້ນດາດຟ້າ, ສະລອຍນໍ້າລອຍຟ້າ, ສິ່ງອໍານວຍຄວາມສະດວກ ຊຶ່ງເປັນການເປີດກວ້າງ ປະສົບການຊີວິດແບບໃໝ່.