ບໍ່ແຕນ ສະຫຼຸບວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງ

​ເຜີຍ​ແຜ່​ໂດຍ: admin|ຢ້ຽມ​ຊົມ: 222 ຄັ້ງ | ເວ​ລາ | 2023-04-11 07:35:26

ເມືອງບໍ່ແຕນ ແຂວງໄຊຍະບູລີ ດໍາເນີນກອງປະຊຸມສະຫຼຸບວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງໃນທົ່ວເມືອງ ປະຈຳປີ 2022 ແລະ ທິດທາງແຜນການ ປະຈຳປີ 2023 ແລະຜັນຂະຫຍາຍເນື້ອໃນການເມືອງແນວຄິດໂດຍໄດ້ຈັດຂຶ້ນທີ່ສະໂມສອນຂອງເມືອງ ໃນວັນທີ 5 ເມສາ ນີ້.ພາຍໃຕ້ການເປັນປະທານຂອງ ທ່ານ ສົມສະນຸກ ໄຊອຸດົມ ເລຂາພັກເມືອງ ເຈົ້າເມືອງບໍ່ແຕນ, ມີຄະນະປະຈຳພັກເມືອງ, ກໍາມະການພັກເມືອງ, ເລຂາຄະນະພັກຮາກຖານ, ເລຂາໜ່ວຍພັກ ສໍານັກງານ, ອົງການ, ກົມກອງ ແລະ ເລຂາໜ່ວຍພັກບ້ານໃນທົ່ວເມືອງ ພ້ອມດ້ວຍພະນັກງານຜູ້ເຮັດວຽກຈັດຕັ້ງເຂົ້າຮ່ວມ.

ໃນກອງປະຊຸມ ສະຫາຍ ສົມສະໜຸກ ໄຊອຸດົມ ໄດ້ກ່າວເປີດກອງປະຊຸມຢ່າງເປັນທາງການໃນກອງປະຊຸມ ສະຫາຍ ນາງ ທອງສຸກ ສິງຄຳ ກຳມະການປະຈຳພັກເມືອງ ສະມາຊິກສະພາປະຊາຊົນແຂວງ ຫົວໜ້າຄະນະຈັດຕັ້ງເມືອງໃຫ້ກຽດ ຜ່ານບົດສະຫຼຸບການຈັດຕັ້ງປະຕິບັດວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງໃນທົ່ວເມືອງ ປະຈໍາປີ 2022 ແລະ ທິດທາງແຜນການ ປະຈຳປີ 2023 ຊຶ່ງສະຫາຍ ໃຫ້ຮູ້ວ່າ: ຕະຫຼອດໄລຍະໜຶ່ງປີຜ່ານມາ ທາງຄະນະຈັດຕັ້ງເມືອງ ແມ່ນໄດ້ເອົາໃຈໃສ່ເຄື່ອນໄຫວຢ່າງຕັ້ງໜ້າ ໂດຍໄດ້ຖືເອົາວຽກງານກໍ່ສ້າງພັກ ທາງດ້ານການເມືອງ-ແນວຄິດ, ການຈັດຕັ້ງ, ແບບແຜນວິທີເຮັດວຽກ ແລະ ວິທີນໍາພາ ຜັນຂະຫຍາຍນັບແຕ່ຂັ້ນເມືອງລົງສູ່ຮາກຖານບ້ານ ອັນພົ້ນເດັ່ນແມ່ນຄະນະພັກ, ສະມາຊິກພັກ, ພະນັກງານ-ລັດຖະກອນ, ທະຫານ, ຕໍາຫຼວດ ມີຄວາມເຊື່ອໝັ້ນຕໍ່ການນໍາພາຂອງພັກ, ມີຄວາມຈົງຮັກພັກດີພາຍໃນພັກ, ມີຄຸນສົມບັດສິນທໍາປະຕິວັດ ແລະ ມີຄວາມສາມັກຄີອັນໜັກແໜ້ນ ພ້ອມດຽວກັນນີ້ກໍໄດ້ເອົາໃຈໃສ່ປັບປຸງກົງຈັກການຈັດຕັ້ງພັກ ຢ່າງເປັນລະບົບ ແລະ ຕໍ່ເນື່ອງ ໂດຍໄດ້ຊີ້ນໍາ-ນໍາພາ ການດໍາເນີນຊີວິດການເມືອງຢູ່ໃນຮາກຖານ ໃຫ້ສອດຄອງສະພາບຄວາມເປັນຈິງ ນັບມື້ນັບດີຂຶ້ນເທື່ອລະກ້າວ. ໃນໂອກາດດຽວກັນນີ້ຜູ້ແທນກອງປະຊຸມກໍໄດ້ຜັດປ່ຽນກັນຂຶ້ນປະກອບຄໍາຄິດຄໍາເຫັນ ເພື່ອແນໃສ່ແກ້ຈຸດອ່ອນ, ຂໍ້ຄົງຄ້າງ ທີ່ຈະພ້ອມກັນຈັດຕັ້ງປະຕິບັດໃນຕໍ່ໜ້າ.ນອກຈາກນີ້ຜູ້ແທນກອງປະຊຸມຍັງໄດ້ຮັບຟັງການເຜີຍແຜ່ບາງເນື້ອໃນບົດສະຫຼຸບວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງໃນທົ່ວແຂວງ ປະຈຳປີ 2022 ແລະ ທິດທາງແຜນການ ປະຈຳປີ 2023, ບົດໂອ້ລົມຂອງທ່ານເຈົ້າແຂວງຕໍ່ກອງປະຊຸມວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງໃນທົ່ວແຂວງ ແລະ ເຜີຍແຜ່ເຊື່ອມຊຶມມະຕິກົມການເມືອງສູນກາງພັກ ສະບັບເລກທີ 21/ກມສພ, ລົງວັນທີ 9 ພະຈິກ 2022 ວ່າດ້ວຍການຕີລາຄາພະນັກງານແຂວງ ແລະ ນະຄອນຫຼວງ.

(ຂ່າວ-ພາບ ສາຍຄຳ ບຸນຍາວົງ)