ຊີວະປະຫວັດຫຍໍ້ ຂອງທ່ານ ໜູຮັກ ພູມສະຫວັນ

​ເຜີຍ​ແຜ່​ໂດຍ: admin|ຢ້ຽມ​ຊົມ: 345 ຄັ້ງ | ເວ​ລາ | 2023-09-23 20:38:01

• ທ່ານ ຫນູຮັກ ພູມສະຫວັນ ເກີດເມື່ອວັນທີ 9 ເມສາ 1914 ເມືອງມຸກດາຫານ, ແຂວງມຸກດາຫານ, ໃນຄອບຄົວຊາວນາ. ທີ່ບ້ານ ພາລູກາ ທ່ານໄດ້ເຂົ້າຮ່ວມຂະບວນການກູ້ຊາດເມື່ອປີ 1946 ໄດ້ເຂົ້າພັກກອມມູນິດ ອິນດູຈີນ 1950 ແລະ ໂອນມາເປັນສະມາຊິກພັກປະຊາຊົນລາວປີ 1955 .

ທ່ານໄດ້ເຄື່ອນໄຫວປະຕິວັດໃນແຕ່ລະໄລຍະດັ່ງນີ້ :

-      ແຕ່ປີ 1946 – 1949 ໄດ້ຮັບແຕ່ງຕັ້ງເປັນປະທານຄະນະກ ຳມະການລາວຕໍ່ຕ້ານປະຈຳພາກຕາເວັນອອກ .

-      1950 ໄດ້ຮັບແຕ່ງຕັ້ງເປັນລັດຖະເສນາກະຊວງເສດຖະກິດຂອງລັດຖະບານລາວຕໍ່ຕ້ານ.

-      1954 ໄດ້ຮັບແຕ່ງຕັ້ງເປັນຜູ້ແທນຂອງຝ່າຍປະເທດລາວໃນການເຈລະຈາກັບຝ່າຍວຽງຈັນ.

-      1955 ໃນກອງປະຊຸມສ້າງຕັ້ງພັກປະຊາຊົນລາວ ໄດ້ຮັບເລືອກຕັ້ງເປັນກຳມະການສູນກາງພັກ

-      1958 ໄດ້ຮັບເລືອກຕັ້ງເປັນສະມາຊິກສະພາຜູ້ແທນລາສະດອນ.

-      1959 ຖືກລັດຖະບານລາຊະອານາຈັກຈັບກຸມຄຸມຂັງພ້ອມກັບບັນດາຜູ້ນຳອື່ນໆ.

-      1960 - 1962 ເປັນຫົວຫນ້າຄະນະເຈລະຈາຂອງຝ່າຍແນວລາວຮັກຊາດ ເພື່ອຈັດຕັ້ງລັດຖະບານປະສົມ.

-      1966 ເປັນຜູ້ປະຈ ຳການຂອງຄະນະປະຈຳສູນກາງພັກ, ຮັບຜິດຊອບວຽກງານຈັດຕັ້ງ ແລະ ເສດຖະກິດການເງິນ.

-      1972 ໄດ້ຮັບເລືອກຕັ້ງເປັນກຳມະການສູນກາງພັກ ແລະ ກຳມະການກົມການເມືອງ ຈາກກອງປະຊຸມໃຫຍ່ຄັ້ງທີ່ II ຂອງພັກ.

-      ວັນທີ 2 ທັນວາ ປີ 1975 ໄດ້ຮັບແຕ່ງຕັ້ງເປັນຮອງນາຍົກລັດຖະມົນຕີ, ທັງເປັນລັດຖະມົນຕີກະຊວງການເງິນ.

-      ກອງປະຊຸມໃຫຍ່ຄັ້ງທີ III, ຄັ້ງທີ IV ແລະຄັ້ງທີ V ຂອງພັກ ໄດ້ຮັບເລືອກຕັ້ງເປັນກຳມະການສູນກາງພັກ ແລະ ກຳມະການກົມການເມືອງ.

-      1982 - 1989 ໄດ້ຮັບແຕ່ງຕັ້ງເປັນຮອງປະທານສະພາລັດຖະມົນຕີທີ່ຫນຶ່ງ, ທັງເປັນຜູ້ປະຈ ຳການສະພາລັດຖະມົນຕີ.

-      1989 ໄດ້ຮັບເລືອກຕັ້ງເປັນຜູ້ແທນສະພາປະຊາຊົນສູງສຸດ ແລະ ໄດ້ຮັບເລືອກຕັ້ງ ເປັນປະທານສະພາປະຊາຊົນສູງສຸດຊຸດທີ່ II ທັງເປັນປະທານຄະນະກຳມະການຮ່າງລັດຖະທຳມະນູນ.

-      ກອງປະຊຸມສະໄຫມພິເສດຂອງສະພາປະຊາຊົນສູງສຸດຊຸດທີ່ II ເມື່ອວັນທີ 25 ພະຈິກ 1992 ໄດ້ຮັບເລືອກຕັ້ງເປັນປະທານປະເທດແຫ່ງສາທາລະນະລັດ ປະຊາທິປະໄຕ ປະຊາຊົນລາວ .

(ຄັດຈາກ ວາລະສານ ອະລຸນໃໝ່ ສະບັບພິເສດ 1992, ໜ້າ 71-72)