ກບ ຈັດປາຖະກະຖາ ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ70ປີ

​ເຜີຍ​ແຜ່​ໂດຍ: admin|ຢ້ຽມ​ຊົມ: 18 ຄັ້ງ | ເວ​ລາ | 2025-03-18 07:51:49

• ສູນກາງສະຫະພັນກຳມະບານລາວ ຈັດປາຖະກະຖາ ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ70ປີ (22 ມີນາ ປີ1955- 22 ມີນາ 2025) ທີສູນຝຶກອົບຮົມຮ່ວມມືສາກົນລາວ-ຍີ່ປຸ່ນ

..................

ສູນກາງສະຫະພັນກຳມະບານລາວໄດ້ຈັດປາຖະກະຖາຫວນຄືນມູນເຊື້ອວັນສ້າງຕັ້ງພັກປະຊາຊົນປະຕິວັດລາວຄົບຮອບ70ປີທີ່ສູນຝຶກອົບຮົມຮ່ວມມືສາກົນລາວ-ຍີ່ປຸ່ນ ນະຄອນຫລວງວຽງຈັນໃນວັນທີ 13 ມີນາ 2025 ທີ່ສູນຝຶກອົບຮົມຮ່ວມມືສາກົນ ລາວ-ຍີ່ປຸ່ນ ເປັນກຽດເຂົ້າຮ່ວມ ແລະ ປາຖະກະຖາໂດຍ ສະຫາຍ ປອ ສິນລະວົງ ຄຸດໄພທູນ ກຳ ມະການກົມການເມືອງສູນກາງ ພັກປະທານສູນກາງແນວລາວ ສ້າງຊາດຜູ້ຊີ້ນຳອົງການຈັດຕັ້ງ ມະຫາຊົນຂັ້ນສູນກາງ ມີສະຫາຍ ເລັດ ໄຊຍະພອນ ກຳມະການສູນ ກາງພັກ ປະທານຄະນະບໍລິຫານ ງານສູນກາງສະຫະພັນກຳມະບານ ລາວ, ບັນດາສະຫາຍຮອງປະທານ ຄະນະບໍລິຫານງານສູນກາງສະ ຫະພັນກຳມະບານລາວຄະນະ ພັກ, ຄະນະນຳອົງການຈັດຕັ້ງພາ ຄີ, ຄະນະໂຄສະນາອົບຮົມສູນ ກາງພັກຄະນະບໍລິຫານງານສູນ ກາງສະຫະພັນກຳມະບານລາວ ອ້ອມຂ້າງສູນກາງ ແລະສະມາຊິກ ກຳມະບານຈາກຫົວໜ່ວຍແຮງ ງານເຂົ້າຮ່ວມ.

ໃນພິທີສະຫາຍ ເລັດ ໄຊຍະພອນ ໄດ້ສະເໜີຈຸດປະສົງ ພ້ອມທັງໄດ້ ລາຍງານຫຍໍ້ຕໍ່ກັບການນຳພາ-ຊີ້ນຳວຽກງານສະຫະພັນກຳມະ ບານລາວ ໃນໄລຍະໜຶ່ງປີຜ່ານ ມາ ເຊິ່ງໄດ້ຍົກໃຫ້ເຫັນດ້ານດີທີ່ຕັ້ງໜ້າ ແລະ ຂໍ້ຄົງຄ້າງ ບົດຮຽນທີ່ຖອດຖອນໄດ້ ແຜນການເຄື່ອນໄຫວວຽກງານຈຸດ ສຸມໃນຕໍ່ໜ້າ.

ສະຫາຍ ປອ ສິນລະວົງ ຄຸດໄພທູນ ກຳມະ ການກົມການເມືອງ ສູນກາງພັກ ປະທານສູນກາງແນວລາວສ້າງ ຊາດ ໄດ້ຫວນຄືນມູນເຊື້ອວັນສ້າງ ຕັ້ງພັກປະຊາຊົນປະຕິວັດລາວ ຄົບຮອບ 70 ປີ ເຊິ່ງໄດ້ຍົກໃຫ້ເຫັນ ຂະບວນວິວັດແຫ່ງການກຳເນີດ ຂອງພັກປະຊາຊົນປະຕິວັດລາວ ຊຶ່ງເປັນພັກທີ່ເປັນຕົວແທນຂອງ ຊົນຊັ້ນກຳມະກອນ ແລະ ຜູ້ອອກ ແຮງງານລາວບັນດາເຜົ່າ ທີ່ແທ້ຈິງ, ພັກເຮົາໄດ້ນຳພາການປະຕິວັດຊາດປະຊາທິປະໄຕ, ນຳພາປົກປັກຮັກສາ ແລະ ສ້າງສາລະບອບໃໝ່, ເວລາ ໃດກໍຢຶດໝັ້ນລັດທິມາກ-ເລນິນ, ແນວຄິດປະທານ ໄກສອນ ພົມ ວິຫານ ເປັນແນວຄິດຊີ້ນຳຂອງ ພັກ ສປປ ລາວ, ສົມທົບແໝ້ນລະຫວ່າງລັດທິຮັກຊາດອັນແທ້ ຈິງກັບລັດທິສາກົນອັນຜ່ອງໃສ ມີຄວາມຈົງຮັກພັກດີຕໍ່ອຸດົມການ ປະຕິວັດ ແລະ ເພື່ອຜົນປະໂຫຍດ ຂອງປະຊາຊົນລາວບັນດາເຜົ່າ. ຮູ້ເຕົ້າໂຮມຄວາມສາມັກຄີເປັນ ປຶກແຜ່ນພາຍໃນຊາດ, ເຊີດຊູ ຄວາມເປັນແບບຢ່າງນຳໜ້າ, ຮັກ ສາໄດ້ຄຸນທາດການເມືອງຄຸນສົມ ບັດສິນທຳປະຕິວັດ ແລະ ໄດ້ຮັບ ຄວາມເຊື່ອໝັ້ນຈາກປະຊາຊົນ ລາວບັນດາເຜົ່າຕະຫຼອດມາ. ດັ່ງ ນັ້ນ, ພັກເຮົາສົມແລ້ວທີ່ເປັນ ກອງເສນາທິການທາງການເມືອງ ທີ່ສະຫຼາດສ່ອງໃສ, ເປັນກອງນຳ ໜ້າທີ່ແໜ້ນແກ່ນ, ເປັນແກນນຳ ໃນລະບົບການເມືອງແຫ່ງລະບອບ ປະຊາທິປະໄຕປະຊາຊົນອັນເຂັ້ມ ແຂງ ແລະ ສ້າງໃຫ້ປະເທດມິ ຄວາມສະຖຽນລະພາບທາງດ້ານ ການເມືອງໜັກແໜ້ນ, ສັງຄົມມີ ຄວາມສະຫງົບສຸກ, ເສດຖະກິດ ວັດທະນະທຳ-ສັງຄົມໄດ້ຮັບການ ຂະຫຍາຍຕົວຢ່າງຕໍ່ເນື່ອງ ແລະ ຊີວິດການເປັນຢູ່ຂອງປະຊາຊົນ ໄດ້ຮັບການພັດທະນາເປັນກ້າວໆ.

ແຫຼ່ງ: ສື່​ກຳ​ມະ​ບານ​ລາວ