ເມືອງຊານໄຊ ຫວນຄືນ 2 ວັນປະຫວັດສາດທີ່ສຳຄັນຂອງພັກ-ຂອງຊາດ

​ເຜີຍ​ແຜ່​ໂດຍ: admin|ຢ້ຽມ​ຊົມ: 83 ຄັ້ງ | ເວ​ລາ | 2025-01-01 11:43:11

ວັນທີ 1 ເມສາ 2021 ນີ້ເມືອງຊານໄຊ ແຂວງອັດຕະປື ໄດ້ຈັດພິທີປາຖະກະຖາຫວນຄືນມູນ ເຊື້ອປະຫວັດຄວາມເປັນມາ 2 ວັນປະຫວັດສາດທີ່ສຳຄັນຂອງພັກ-ຂອງຊາດ ຄື: ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 66 ປີ (22/3/1955 - 22/3/2021) ແລະ ວັນຄຽດແຄ້ນຂອງປະຊາຊົນລາວ, ວັນເສຍອົງຄະ ແລະ ເສຍສະຫຼະຊີວິດເພື່ອປະເທດຊາດ ຄົບຮອບ 75 ປີ (21/3/1946-21/3/2021) ຂຶ້ນທີ່ຫໍປະຊຸມໃຫຍ່ຂອງເມືອງ ໂດຍໃຫ້ກຽດປາຖະກະຖາຂອງ ທ່ານ ສຸວັນສີ ແກ້ວວິເສີດ ກໍາມະການພັກ ແຂວງ ເລຂາພັກເມືອງ ເຈົ້າເມືອງຊານໄຊ, ມີການນໍາຂອງເມືອງ, ສະມາຊິກພັກ-ພະນັກງານ-ລັດຖະກອນ, ທະຫານ, ຕໍາຫຼວດຕະຫຼອດຮອດພໍ່ແມ່ປະຊາຊົນເຂົ້າຮ່ວມ.

ທ່ານ ສຸວັນສີ ແກ້ວວິເສີດ ໄດ້ຍົກໃຫ້ເຫັນປະຫວັດສາດແຫ່ງການກໍາເນີດ ແລະ ການເຕີບໃຫຍ່ ຂະຫຍາຍຕົວຂອງ ພັກປະຊາຊົນ ປະຕິວັດລາວ ຕະຫຼອດໄລຍະ 66 ປີ ຜ່ານມາ, ທີ່ພັກເຮົາໄດ້ນໍາພາ ການປະຕິວັດຊາດປະຊາທິປະໄຕ ປົກປັກຮັກສາ ແລະ ສ້າງສາລະບອບໃໝ່ ເວລາໃດກໍຢຶດໝັ້ນລັດທິ ມາກ-ເລນິນ ເປັນພື້ນຖານ, ແນວຄິດປະທານ ໄກສອນ ພົມວິຫານ ແລະ ຢຶດໝັ້ນຊົນຊັ້ນກໍາມະກອນ ຢ່າງສະເໝີຕົ້ນສະເໝີປາຍ ມີຄວາມຈົ່ງຮັກພັກດີຕໍ່ອຸດົມການປະຕິວັດ ແລະ ຜົນປະໂຫຍດຂອງປະຊາຊົນ ລາວບັນດາເຜົ່າ, ຖືເອົາຄວາມສາມັກຄີພາຍໃນເປັນຫຼັກ, ເຕົ້າໂຮມຄວາມສາມັກຄີເປັນປຶກແຜນພາຍໃນ ຊາດ, ເຊີດຊູຄວາມເປັນແບບຢ່າງນໍາໜ້າ, ຮັກສາໄດ້ຄຸນທາດການເມືອງ ແລະ ຄຸນສົມບັດສິນທໍາປະຕິວັດ, ຄວາມເຊື່ອໝັ້ນຈາກປະຊາຊົນລາວບັນດາເຜົ່າຕະຫຼອດມາ. ພັກເຮົາສົມແລ້ວທີ່ເປັນເສນາທິການທາງການ ເມືອງທີ່ສ່ອງໃສ, ເປັນກອງນໍາໜ້າທີ່ແໜ້ນແກ່ນ, ເປັນຕົວແທນທີ່ຈົງຮັກພັກດີ ຕໍ່ສິດຜົນປະໂຫຍດຂອງຊົນ ຊັ້ນກໍາມະກອນຊາວຜູ້ອອກແຮງງານທີ່ຮັກຊາດ, ເປັນແກນນໍາໃນລະບົບການເມືອງແຫ່ງລະບົບປະຊາທິ ປະໄຕ ປະຊາຊົນອັນເຂັ້ມແຂງ, ສັງຄົມມີຄວາມສະຫງົບສຸກ, ເສດຖະກິດວັດທະນະທໍາ-ສັງຄົມ ໄດ້ຂະ ຫຍາຍຕົວຢ່າງຕໍ່ເນື່ອງ ແລະ ຊີວິດການເປັນຢູ່ຂອງປະຊາຊົນໄດ້ຮັບການພັດທະນາເປັນກ້າວໆ ແລະ ອີກ ເຫດການໜຶ່ງທີ່ປະຊາຊົນລາວບໍ່ອາດຫຼົງລືມໄດ້ນັ້ນແມ່ນວັນທີ 21 ມີນາ 1946 ຊຶ່ງເປັນວັນຝຣັ່ງໄດ້ ກໍ່ເຫດການທີ່ໂຫດຮ້າຍປ່າເຖື່ອນທີ່ສຸດໂທດກຳທີ່ບໍ່ມີວັນຫຼົງລືມໄດ້ພວກເຂົາໄດ້ເຂັ່ນຂ້າຄົນລາວ ແລະ ຊາວ ຫວຽດນາມຜູ້ບໍລິສຸດຢູ່ເມືອງທ່າແຂກ ແຂວງຄໍາມ່ວນ ດ້ວຍວິທີໂຫດຫ້ຽມ, ແມ່ຍິງ, ເດັກນ້ອຍ ຈໍານວນ 3 ພັນຄົນຖືກຂ້າຕາຍ, ເຮືອນຊານບ້ານຊ່ອງຖືກທໍາລາຍຢ່າງຫຼວງຫຼາຍ, ມີຫຼາຍຄອບຄົວຖືກພັດພາກກາຍ ເປັນກໍາພ້າ, ກຳພອຍ ຈາກເຫດການຄັ້ງດັ່ງກ່າວ.

(ແຫຼ່ງ: ປະ​ຊາ​ຊົນ, ຂ່າວ: ເມືອງຊານໄຊ)