ການສ້າງຄວາມເຂັ້ມແຂງໃຫ້ກັບກຳມະບານອາຊຽນ ໃນການເພີ່ມທະວີການເຊື່ອມໂຍງກັບແຮງງານເຄື່ອນຍ້າຍ

​ເຜີຍ​ແຜ່​ໂດຍ: admin|ຢ້ຽມ​ຊົມ: 21 ຄັ້ງ | ເວ​ລາ | 2024-10-03 19:50:58

ສູນກາງສະຫະພັນກຳມະບານລາວ ຮ່ວມກັບສະພາກຳມະບານອາຊຽນ ໄດ້ຈັດກອງປະຊຸມປຶກສາຫາລື: “ການສ້າງຄວາມເຂັ້ມແຂງໃຫ້ກັບກຳມະບານອາຊຽນໃນການເພີ່ມທະວີການເຊື່ອມໂຍງກັບແຮງງານເຄື່ອນຍ້າຍ" ໃນລະຫວ່າງວັນທີ 22-23 ສິງຫາ 2024 ໂດຍການເປັນປະທານຮ່ວມຂອງທ່ານ ວິໄລ ວົງຂະເສີມ ຮອງປະທານຄະນະບໍລິຫານງານສູນກາງສະຫະພັນກຳມະບານລາວ ແລະ ທ່ານ ໂຣບິນ ໂຕເຣດ ເລຂາທິການໃຫຍ່ ສະພາກໍາມະບານອາຊຽນ, ໃຫ້ກຽດເຂົ້າຮ່ວມ ແລະ ມີຄຳເຫັນກ່າວເປີດກອງປະຊຸມຢ່າງເປັນທາງການຂອງທ່ານ ເລັດ ໄຊຍະພອນ ກຳມະການສູນກາງພັກ ປະທານຄະນະບໍລິຫານງານສູນກາງສະຫະພັນກຳມະບານລາວ ແລະ ທ່ານ ວິໄລພົງ ສີສົມຫວັງ ຫົວໜ້າກອງເລຂາແຮງງານອາຊຽນ ຫົວໜ້າກົມແຜນການຮ່ວມມືສາກົນກະຊວງແຮງງານ ແລະ ສະຫວັດດີການສັງຄົມ, ມີບັນດາທ່ານຜູ້ຕາງໜ້າແຕ່ລະປະເທດພາຍໃນອາຊຽນ, ກອງເລຂາເສົາຄໍ້າວັດທະນະທໍາສັງຄົມອາຊຽນ ກະຊວງຖະແຖງຂ່າວ-ວັດທະນະທໍາ ແລະ ບັນດາທ່ານຈາກອົງການຈັດຕັ້ງສາກົນປະຈຳພາກພື້ນ ແລະ ປະຈໍາລາວ ເຂົ້າຮ່ວມ.

ກອງປະຊຸມອັນມີຄວາມໝາຍສໍາຄັນນີ້ທ່ານ ເລັດ ໄຊຍະພອນ ປະທານຄະນະບໍລິຫານງານສູນກາງສະຫະພັນກຳມະບານລາວ ໄດ້ກ່າວມີຄຳເຫັນວ່າ: ລັດຖະບານ ສປປ ລາວ ໂດຍລວມ, ໂດຍສະເພາະ ການຈັດຕັ້ງກຳມະບານລາວ ໄດ້ຮັບຮູ້ ແລະ ໃຫ້ຄວາມສໍາຄັນຕໍ່ວຽກງານປົກປ້ອງທາງສັງຄົມ ແລະ ໃຫ້ຄວາມສໍາຄັນໃນການລົບລ້າງຄວາມບໍ່ສະເໝີພາບ, ຄວາມທຸກຍາກໃຫ້ໝົດໄປເທື່ອລະກ້າວ. ສະນັ້ນ, ສປປ ລາວ ຈຶ່ງໄດ້ກໍານົດບູລິມະສິດ, ສຸ່ມໃສ່ທຸກກໍາລັງແຮງເພື່ອພັດທະນາ ແລະ ສ້າງຄວາມເຂັ້ມແຂງລະບົບປະກັນສັງຄົມແຫ່ງຊາດ ເພື່ອທຸກຄົນໃນສັງຄົມ ກໍຄືຜູ້ອອກແຮງງານທຸກປະເທດ ຢູ່ໃນ ສປປ ລາວ ລວມທັງແຮງງານລາວເຄື່ອນຍ້າຍ, ໄດ້ເຫັນຄວາມສໍາຄັນໃນພາລະບົດບາດ ແລະ ໜ້າທີ່ຂອງແຕ່ລະຂະແໜງການໃນວຽກງານປົກປ້ອງແຮງງານ, ວຽກງານປົກປ້ອງທາງສັງຄົມສໍາລັບຜູ້ອອກແຮງງານທຸກຄົນ ລວມທັງແຮງງານເຄື່ອນຍ້າຍ. ລັດຖະບານ ສປປ ລາວ ໂດຍລວມ, ໂດຍສະເພາະ ການຈັດຕັ້ງກຳມະບານລາວ ໄດ້ຮັບຮູ້ ແລະ ໃຫ້ຄວາມສໍາຄັນຕໍ່ວຽກງານປົກປ້ອງທາງສັງຄົມ ແລະ ໃຫ້ຄວາມສໍາຄັນໃນການລົບລ້າງຄວາມບໍ່ສະເໝີພາບ, ຄວາມທຸກຍາກໃຫ້ໝົດໄປເທື່ອລະກ້າວ. ສະນັ້ນ, ສປປ ລາວ ຈຶ່ງໄດ້ກຳນົດບູລິມະສິດ, ສຸມໃສ່ທຸກກຳລັງແຮງເພື່ອພັດທະນາ ແລະ ສ້າງຄວາມເຂັ້ມແຂງລະບົບປະກັນສັງຄົມແຫ່ງຊາດ ເພື່ອທຸກຄົນໃນສັງຄົມ ກໍຄືຜູ້ອອກແຮງງານທຸກປະເທດຢູ່ໃນ ສປປ ລາວ ລວມທັງແຮງງານລາວເຄື່ອນຍ້າຍ, ໄດ້ເຫັນຄວາມສໍາຄັນໃນພາລະບົດບາດ ແລະ ໜ້າທີ່ຂອງແຕ່ລະຂະແໜງການເຊັ່ນ ບັນດາກະຊວງ, ອົງການ, ສະຖາບັນ, ບັນຄູ່ຮ່ວມພັດທະນາ ແລະ ຜູ້ໃຫ້ທຶນທີ່ໃຫ້ຄວາມສໍາຄັນຕໍ່ແຮງງານ ກໍ່ຄືວຽກງານປົກປ້ອງແຮງງານ, ວຽກງານປົກປ້ອງທາງສັງຄົມສໍາລັບຜູ້ອອກແຮງງານທຸກຄົນ ລວມທັງແຮງງານເຄື່ອນຍ້າຍອີກດ້ວຍ. ລັດຖະບານ ສປປລາວ ໄດ້ສ້າງແຜນຍຸດທະສາດການປົກປ້ອງທາງສັງຄົມແຫ່ງຊາດ ແລະ ໄດ້ປະກາດ ໃຊ້ໃນປີ 2020 ໂດຍການສະໜັບສະໜູນຈາກອົງການແຮງງານສາກົນ ແລະ ຄູ່ຮ່ວມພັດທະນາ ຈາກນັ້ນມາສູນກາງສະຫະພັນກຳມະບານ ກໍ່ໄດ້ນຳຍຸດທະສາດແຫ່ງຊາດດັ່ງກ່າວນັ້ນ ມາຈັດຕັ້ງຜັນຂະຫຍາຍມາເປັນແຜນຍຸທະສາດປົກປ້ອງສັງຄົມຂອງກຳມະບານ ເຊິ່ງໄດ້ປະກາດໃຊ້ໃນປີ 2022. ໄດ້ຖືກກຳນົດໃນຍຸທະສາດການປົກປ້ອງທາງສັງຄົມ ແມ່ນເພື່ອຮັບປະກັນຄວບຄຸມທຸກກຸ່ມຄົນໃນສັງຄົມໂດຍລວມໂດຍສະພາະກຸ່ມຄົນທີ່ມີຄວາມອ່ອນໄຫວງ່າຍ ເຊັ່ນ: ກຸ່ມແຮງງານນອກລະບົບ, ກຸ່ມແຮງງານເຄື່ອນຍ້າຍ, ກຸ່ມຄົນທີ່ບໍ່ສາມາດຊ່ວຍເຫຼືອຕົນເອງ, ກຸ່ມຄົນຜູ້ສູງອາຍຸ, ກຸ່ມແຮງງານເພດຍິງ ແລະ ກຸ່ມອື່ນໆ. ອົງການຈັດຕັ້ງກຳມະບານລາວ ໃນຖານະທີ່ເປັນຕົວແທນໃຫ້ກຳມະກອນໃນທົ່ວປະເທດ ໄດ້ເຮັດວຽກ ແລະ ຮ່ວມມືຢ່າງໄກ້ສິດກັບພາກລັດຖະບານ ແລະ ພາກສ່ວນຕ່າງໆ ເພື່ອສົ່ງເສີມວຽກງານ ສຸຂະພາບ, ຄວາມປອດໄພແຮງງານ, ໄດ້ເອົາໃຈໃສ່ ໃຫ້ຄວາມສໍາຄັນກ່ຽວກັບສິດທິ, ຫຼັກການພື້ນຖານໃນ ສະຖານທີ່ເຮັດວຽກ, ພ້ອມດຽວກັນຍັງໄດ້ເຮັດວຽດຢ່າງໄກ້ສິດ ແລະ ຮ່ວມມືກັບຫຼາຍພາກສ່ວນໃນສັງຄົມເພື່ອຊຸກຍູ້ , ຮັບປະກັນເງື່ອນໄຂການອອກແຮງງານທີ່ດີ ແລະ ບັນຫາສະຫວັດດີການທີ່ດີສໍາລັບຜູ້ອອກແຮງງານອີກດ້ວຍ. ກຳມະບານລາວ ໄດ້ໃຫ້ຄວາມສໍາຄັນ ໃນການສົ່ງເສີມຄວາມສະເໜີພາບຍິງ-ຊາຍ ໂດຍຜ່ານບັນດານິຕິກຳ, ນະໂຍບາຍ ໃນລະດັບພາກພື້ນ, ແຫ່ງຊາດ ຂອງອົງການຈັດຕັ້ງກຳມະບານ. ກຳມະບານລາວ ຍັງໄດ້ມີການສົ່ງເສີມການສຶກສາ, ຄວາມຮູ້ຄວາມສາມາດ, ຝຶກອົບຮົບ ແລະ ໂຄສະນາໃຫ້ແກ່ສະມາຊິກກຳມະບານ, ກຳມະກອນທັງໃນ ແລະ ນອກ ລະບົບ ເພື່ອໃຫ້ເຂົ້າໃຈເຖິງພາລະບົດບາດ, ສິດ ແລະ ໜ້າທີ່ຂອງການຈັດຕັ້ງກຳມະບານ ຂອງຜູ້ອອກແຮງງານເອງ, ໄດ້ໂຄສະນາໃຫ້ຜູ້ອອກແຮງງານຮູ້ໄດ້ສິດ ແລະ ພັນທະຂອງຕົນເອງໃນການອອກແຮງງານ ກໍຄືຫຼັກການພື້ນຖານ ແລະ ສິດໃນສະຖານທີ່ເຮັດວຽກນັ້ນເອງ, ໄດ້ໂຄສະນາເຜີຍແຜ່ກ່ຽວກັບກົດໝາຍແຮງງານ, ກົດໝາຍກຳມະບານ, ກົດໝາຍປະກັນສັງຄົມ, ສົນທິສັນຍາແຮງງານສາກົນຈໍານວນໜຶ່ງ ແລະ ນິຕິກຳອື່ນໆທີ່ກ່ຽວຂ້ອງ.

ໃນກອງປະຊຸມຍັງໄດ້ປຶກສາຫາລືການປະຕິບັດຕາມບູລິມະສິດຂອງ ATUC, ການສົ່ງເສີມແຮງງານເຄື່ອນຍ້າຍ, ປຶກສາຫາລືກ່ຽວກັບສິ່ງທ້າທາຍໃນການຈັດຕັ້ງກ່ຽວກັບແຮງງານເຄື່ອນຍ້າຍ, ການປົກປ້ອງສັງຄົມ ສະບັບແຮງງານເຄື່ອນຍ້າຍ, ແນວທາງການປະຕິບັດໃນການສະໜັບສະໜູນແຮງງານເຄື່ອນຍ້າຍໃນອາຊຽນ, ປຶກສາຫາລືນະໂຍບາຍ ແລະ ຄວາມຄິດລິເລີ່ມໃນການຫ້າມໃຊ້ທາດໃຍຫີນຂາວໃນສະຖານທີ່ເຮັດວຽກ ເພື່ອປົກປ້ອງແຮງງານເຄື່ອນຍ້າຍ ແລະ ການພັດທະນາລະບົບໃນການສະໜັບສະໜູນແບບຢືນຍົງແກ່ແຮງງານເຄື່ອນຍ້າຍອີກດ້ວຍ.

 

ແຫຼ່ງ: ສື່​ກຳ​ມະ​ບານ