ສູນ​ກາງ​ພັກ​ກອມ​ມູ​ນິດ​ຫວຽດ​ນາມ ​​ພົບ​ປະ​ກັບ​ບັນດາ​ອະດີດ​ການ​ນຳ​ພັກ ​ແລະ ລັດ

​ເຜີຍ​ແຜ່​ໂດຍ: admin|ຢ້ຽມ​ຊົມ: 100 ຄັ້ງ | ເວ​ລາ | 2024-12-23 00:00:00

ວັນທີ 15 ສິງຫາ 2024, ສູນກາງພັກກອມມູນິດຫວຽດນາມ ໄດ້ຈັດກອງປະຊຸມພົບປະກັບບັນດາການນຳ, ອະດີດການນຳ ຂອງພັກ ແລະ ລັດ, ກອງປະຊຸມໄດ້ປຶກສາຫາລື ກ່ຽວກັບໄພຂົ່ມຂູ່ຕໍ່ການນຳພາຂອງພັກ ແລະ ລະບອບສັງຄົມນິຍົມຢູ່ຫວຽດນາມ, ໂດຍສະເພາະການແຂ່ງຂັນຍຸດທະສາດລະຫວ່າງບັນດາປະເທດໃຫຍ່ໃນພາກພື້ນອາຊີ-ປາຊີຟິກ ທີ່ມີຄວາມຮຸນແຮງຂຶ້ນ, ການປະເຊີນໜ້າ ແລະ ຂະຫຍາຍຕົວຢ່າງຕໍ່ເນື່ອງ; ຄວາມສ່ຽງດ້ານການປະທະກັນສາມາດເກີດຂຶ້ນໄດ້ທຸກເວລາ ເປັນ​ຕົ້ນແຫຼມເກົາຫຼີ, ຊ່ອງແຄບໄຕ້ຫວັນ, ທະເລຈີນໃຕ້. ເປັນສິ່ງທ້າທາຍອັນໃຫຍ່ຫຼວງສຳລັບຫວຽດນາມ ໃນຮັກສາດຸ່ນດ່ຽງໃນການພົວພັນກັບບັນດາປະເທດໃຫຍ່ ເພື່ອຫຼຸດຜ່ອນຄວາມກົດດັນໃນການເລືອກເອົາຝ່າຍໃດໜຶ່ງ ແລະ ການລົງໂທດທາງດ້ານເສດຖະກິດໃນສະພາບທີ່ເສດຖະກິດເປີດກວ້າງ, ຍາດແຍ່ງເອົາການຮ່ວມມືກັບສາກົນຢ່າງຮອບດ້ານ; ປະເຊີນໜ້າກັບການປະຕິບັດການຫັນປ່ຽນ ໂດຍສັນຕິ ຂອງຕາເວັນຕົກ, ເພີ່ມທະວີຄວາມປອດໄພ ດ້ານ“ຄວາມລັບຂອງຊາດ”, ໂດຍສະເພາະແມ່ນຄວາມປອດໄພທາງອິນເຕີແນັດຄວາມໝັ້ນຄົງທາງເສດຖະກິດ, ຄວາມໝັ້ນຄົງດ້ານການເງິນ, ພະລັງງານ, ຊັບພະຍາກອນທຳມະຊາດ; ກອງປະຊຸມຍັງໄດ້ຫາລືວຽກງານການຜັນຂະຫຍາຍມະຕິກອງປະຊຸມໃຫຍ່ຄັ້ງທີ 13 ຂອງພັກ ແລະ ກະກຽມໃຫ້ກອງປະຊຸມໃຫຍ່ຄັ້ງທີ 14. ຈະສຸມໃສ່ບັນດາກຸ່ມໂຄງການຍື່ນສະເໜີຕໍ່ກອງປະຊຸມສູນກາງ ຄັ້ງທີ 10 ແລະ ອະນຸກຳມະການເນື້ອໃນເອກະພາບກ່ຽວກັບຫຼັກການ, ທັດສະນະ ແລະ ວິທີການກະກຽມເອກະສານຂອງກອງປະຊຸມໃຫຍ່ຄັ້ງທີ 14, ຮັບປະກັນການສືບທອດມູນເຊື້ອປະຕິວັດຂອງປະທານ ໂຮ່ຈີມິນ ມິງ ແລະ ບັນດາການນຳຂອງພັກ-ລັດ, ຂະຫຍາຍມູນເຊື້ອອັນສະຫງ່າລາສີ ແລະ ບົດຮຽນອັນລ້ຳຄ່າຂອງພັກ; ສືບຕໍ່ກໍ່ສ້າງກຳລັງອາວຸດໃຫ້ປອດໃສ, ເຂັ້ມແຂງ ແລະ ທັນສະໄໝ ບົນຈິດໃຈເປັນເຈົ້າຕົນເອງ ແລະ ກຸ້ມຕົນເອງ; ຮັກສາອະທິປະໄຕ, ຜືນແຜ່ນດິນອັນຄົບຖ້ວນ, ຮັກສາສັນຕິພາບ, ສະຖຽນລະພາບ, ຄວາມສະຫງົບປອດໄພ ແລະ ຄວາມເປັນລະບຽບຮຽບຮ້ອຍ. ຢຶດຖືປະຊາຊົນຍາມໃດກໍ່ແມ່ນກຳລັງໜູນທີ່ໝັ້ນຄົງ, ເຊື່ອຖືໄດ້ ແລະ ຄວາມພາກພູມໃຈຂອງປະຊາຊົນ. ໃນກອງປະຊຸມສະພາແຫ່ງຊາດໃນເດືອນ ຕຸລາ 2024 ຈະມີການປັບປຸງຕຳແໜ່ງການນຳຂັ້ນສູງ. ບັນດາຄະນະພັກ ແລະ ລັດຖະບານ ເພື່ອຮັບປະກັນການເພີ່ມທະວີການນຳພາຂອງພັກໃນວຽກງານເສດຖະກິດ, ວັດທະນະທຳ-ສັງຄົມ, ປ້ອງກັນຊາດ, ປ້ອງກັນຄວາມສະຫງົບ ແລະ ການຕ່າງປະເທດ. ກອງປະຊຸມຍັງໄດ້ເນັ້ນໜັກໃຫ້ເອົາໃຈໃສ່ 4 ວຽກງານສຳຄັນຕົ້ນຕໍ່ຄື: 1.ເອົາໃຈໃສ່ຊີ້ນໍາ-ນໍາພາ ໃຫ້ມີບາດກ້າວບຸກທະລຸ, ເລັ່ງລັດໃຫ້ສໍາເລັດຕາມຄາດໝາຍສູ້ຊົນ ແລະ ມະຕິກອງປະຊຸມໃຫຍ່ຄັ້ງທີ 13 ຂອງພັກ; 2).ລົບລ້າງຄວາມຫຍຸ້ງຍາກດ້ານວັດທະນະທຳອົງກອນ ຕາມຂອບເຂດຂອງກົດໝາຍ, ປັບປຸງຊີວິດການເປັນຢູ່ຂອງປະຊາຊົນທັງພາຍໃນ ແລະ ຕ່າງປະເທດ; 3).ສຸມໃສ່ປະຕິບັດນະໂຍບາຍປະກັນສັງຄົມ, ປັບປຸງຊີວິດທາງດ້ານວັດຖຸ ແລະ ຈິດໃຈຂອງປະຊາຊົນ, ສ້າງບັນຍາກາດຟົດຟື້ນໃນຊີວິດການເປັນຢູ່ ແລະ ການອອກແຮງງານ; 4).ສືບຕໍ່ເດັດດ່ຽວຕ້ານການສໍ້ລາດບັງຫຼວງ ແລະ ປະກົດການຫຍໍ້ທໍ້. ກຳນົດທັດສະນະ, ຄຳຂວັນ, ໜ້າທີ່ ແລະ ວິທີແກ້ໄຂ, ປະກອບສ່ວນກໍ່ສ້າງ ແລະ ປັບປຸງພັກປອດໃສ ແລະ ເຂັ້ມແຂງ, ຊຸກຍູ້ການພັດທະນາເສດຖະກິດແບບຍືນຍົງ.

 

ແຫຼ່ງ: ໜັງ​ສື​ພິມ ເຍິນ​ເຍິນ