ການນໍາ ປທສ ເຂົ້າຮ່ວມກອງປະຊຸມ ການຄ້າເອເລັກໂຕຣນິກ ຈີນ-ອາຊຽນ ປະຈຳປີ 2019

​ເຜີຍ​ແຜ່​ໂດຍ: admin|ຢ້ຽມ​ຊົມ: 45 ຄັ້ງ | ເວ​ລາ | 2024-12-22 00:00:00

     ເມື່ອບໍ່ດົນມານີ້, ທ່ານ ບຸນສະເຫຼີມໄຊ ເຄນນາວົງ ຮອງລັດຖະມົນຕີ ກະຊວໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ພ້ອມດ້ວຍຄະນະ ໄດ້ເດີນທາງໄປເຂົ້າຮ່ວມ ກອງປະຊຸມການຄ້າເອເລັກໂຕຣນິກ ຈີນ-ອາຊຽນ ປະຈຳປີ 2019 (China-ASEAN E-Commerce Forum 2019), ທີ່ ໜານໜິງ ສປ ຈີນ ເຊິ່ງໄດ້ຈັດຄຽງຄູ່ກັບ ງານວາງສະແດງສິນຄ້າຈີນ-ອາຊຽນ ຄັ້ງທີ 16 (16th China-ASEAN EXPO) ທີ່ມີບັນດາຫ້າງຮ້ານຈາກບັນດາປະເທດຈີນ ແລະ ອາຊຽນ ທີ່ໄດ້ນຳເອົາຜະລິດຕະພັນ, ສິນຄ້າ ຈາກປະເທດຕົນ ມາວາງສະແດງ ແລະ ຈຳໜ່າຍ.

    ໃນກອງປະຊຸມ ທ່ານ ບຸນສະເຫຼີມໄຊ ເຄນນາວົງ ໄດ້ຕາງໜ້າ ຂຶ້ນປະກອບຄຳເຫັນໃນພິທີເປີດກອງປະຊຸມ,​ ໂດຍໄດ້ເນັ້ນໃສ່ບັນດາຄວາມພ້ອມຂອງ ສປປລາວ ໃນການສະໜັບສະໜູນວຽກງານການຄ້າທາງເອເລັກໂຕຣນິກ ໂດຍສະເພາະທາງດ້ານນິຕິກຳ, ເຕັກນິກ ແລະ ເງື່ອນໄຂອຳນວຍຄວາມສະດວກດ້ານຕ່າງໆ (ເຕັກໂນໂລຊີ, ການຂົນສົ່ງ, ພື້ນຖານໂຄງລ່າງ) ທີ່ ສປປ ລາວ ມີ. ນອກຈາກນັ້ນ, ຕາງໜ້າບັນດາບໍລິສັດທີ່ມີຊື່ສຽງຈາກ ສປ ຈີນ ກໍ່ໄດ້ຂຶ້ນນຳສະເໜີ ການໃຫ້ບໍລິການຕິດພັນກັບການຄ້າທາງເອເລັກໂຕຣນິກ, ເປັນຕົ້ນ ບໍລິສັດ ລາຊາດາ (LAZADA), ບໍລິສັດໄປສະນີຈີນ, ບໍລິສັດທີ່ໃຫ້ບໍລິການຂົນສົ່ງ, ບໍລິສັດຜະລິດສິນຄ້າຕ່າງໆ ທີ່ມີການພົວພັນການຄ້າກັບບັນດາປະເທດອາຊຽນ.

      ໃນໂອກາດດັ່ງກ່າວນີ້, ທ່ານ ບຸນສະເຫຼີມ ພ້ອມດ້ວຍຄະນະ ຍັງໄດ້ເຂົ້າຮ່ວມຊົມ ງານວາງສະແດງສິນຄ້າຈີນ-ອາຊຽນ ຄັ້ງທີ 16 ອີກດ້ວຍ.