ກອງປະຊຸມສົນທະນາ ຜູ້ບໍລິຫານ ໄອຊີທີ ອາຊຽນ ຄັ້ງທີ່ 6

​ເຜີຍ​ແຜ່​ໂດຍ: admin|ຢ້ຽມ​ຊົມ: 40 ຄັ້ງ | ເວ​ລາ | 2024-12-22 00:00:00

       ທ່ານ ປອ ທັນສະໄໝ ກົມມະສິດ ລັດຖະມົນຕີ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ ໄດ້ເປັນກຽດ ກ່າວເປິດງານ ກອງປະຊຸມສົນທະນາ ຜູ້ບໍລິຫານ ໄອຊີທີ ອາຊຽນ ຄັ້ງທີ່ 6 ຊື່ງຈັດຂື້ນ ໃນວັນທີ່ 25 ມັງກອນ 2018 ທີ່ ໂຮງແຮມ ດອນຈັນ ພາເລສ, ຊຶ່ງຮ່ວມກັນຈັດໂດຍ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ  ແລະ ສາມາຄົມຜູ້ບໍລິຫານ ໄອຊີທີ ອາຊຽນ ໂດຍມີ ທ່ານຮອງລັດຖະມົນຕີ ຂອງບັນດາປະເທດ ອາຊຽນ, ຫົວໜ້າອົງການຈັດຕັ້ງສາກົນ, ຜູ້ບໍລິຫານ ໄອຊີທີ ແລະ ຜູ້ປະກອບການດ້ານ ໄອຊີທີ ຂອງ ບັນດາປະເທດ ອາຊຽນ ເຂົ້້າຮ່ວມ ກ່ວາ 150 ທ່ານ. ງານໃນມື້ນີ້ ກໍ່ແມ່ນສ່ວນໜຶ່ງ ຂອງງານວາງສະແດງ ເຕັກໂນໂລຊີສື່ສານຂໍ້ມູນຂ່າວສານ ລາວໄອຊີທີ ເອັສະໂປ ທີ່ໄດ້ເປິດຂື້ນຢ່າງເປັນທາງການ ໃນວັນທີ 24 ມັງກອນ 2018.

     ກອງປະຊຸມສົນທະນາ ຜູ້ບໍລິຫານ ໄອຊີທີ ອາຊຽນ ແມ່ນກິດຈະກໍາເຄື່ອນໄຫວ ພາຍໃຕ້ແຜນງານ ດ້ານ ເຕັກໂນໂລຊີສື່ສານຂໍ້ມູນຂ່າວສານ ຂອງ ອາຊຽນ ເພື່ອສ້າງໂອກາດ ໃຫ້ບັນດາ ຜູ້ບໍລິຫານ ໄອຊີທີ ອາຊຽນ ໄດ້ມີການ ພົບປະແລກປ່ຽນ ບົດຮຽນ ແລະ ປະສົບການ ໃນການ ຄຸ້ມຄອງບໍລິຫານ ແລະ ພັດທະນາ ໄອຊີທີ. ຊຶ່ງກອງປະຊຸມຄັ້ງທີ່ 6 ນີ້ ດໍາເນີນໄປ ພາຍໃຕ້ ຂໍາຂວັນ (ຄວາມເປັນຜູ້ນໍາດ້ານ ດີຈີຕອນ ເພື່ອກ້າວໄປສູ່ ຄວາມເປັນອັດສະລິຍະ ຂອງ ອາຊຽນໃນປີ 2020).

     ຂ່າວ: ອົງການດັດສົມໂທລະຄົມ / 29/01/2018