ພາວະຜູ້ນຳ

ຄະນະບໍລິຫານງານສູນກາງພັກກອມມູນິດຫວຽດນາມ ສົ່ງໂທລະເລກຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວຄົບຮອບ 67 ປີ

|ຢ້ຽມຊົມ: 532 ຄັ້ງ | ເວລາ | 2022-05-15 15:50:50

Warning: Undefined variable $m3 in /home/wwwroot/leaderships.la/public_html/nt.php on line 131

ຄະນະບໍລິຫານງານສູນກາງພັກກອມມູນິດຫວຽດນາມສົ່ງໂທລະເລກຊົມເຊີຍວັນສ້າງຕັ້ງ

ພັກປະຊາຊົນປະຕິວັດລາວຄົບຮອບ 67 ປີມາຍັງຄະນະບໍລິຫານງານສູນກາງພັກປະຊາຊົນປະຕິວັດລາວ.

ໃນວັນທີ 21 ມີນາ 2022, ຄະນະບໍລິຫານງານສູນກາງພັກກອມມູນິດຫວຽດນາມໄດ້ສົ່ງໂທລະເລກຊົມເຊີຍວັນສ້າງຕັ້ງພັກປະຊົນປະຕິວັດລາວຄົບຮອບ 67 ປີມາຍັງຄະນະບໍລິຫານງານສູນກາງພັກປະຊາຊົນປະຕິວັດລາວ, ເຊິ່ງມີເນື້ອໃນດັ່ງລຸ່ມນີ້:

ເນື່ອງໃນໂອກາດສະເຫຼີມສະຫຼອງວັນສ້າງຕັ້ງພັກປະຊາຊົນປະຕິວັດລາວຄົບຮອບ 67 ປີ (22/3/1955-22/3/2022), ຕາງໜ້າພັກກອມມູນິດ ຫວຽດນາມແລະປະຊາຊົນຫວຽດນາມ, ພວກຂ້າພະເຈົ້າຂໍຖືເປັນກຽດສົ່ງຄຳອວຍພອນໄຊອັນປະເສີດຖານສະຫາຍອ້າຍນ້ອງທີ່ສະໜິດສະໜົມສຸດ ມາຍັງຄະນະບໍລິຫານງານສູນກາງພັກ, ສະມະຊິກພັກປະຊາຊົນປະຕິວັດລາວທຸກຖ້ວນໜ້າແລະປະຊາຊົນລາວບັນດາເຜົ່າ.

ຕະຫຼອດໄລຍະ 67 ປີຜ່ານມາ, ພາຍໃຕ້ການນາພາອັນສະຫຼາດສ່ອງໃສຂອງພັກປະຊາຊົນປະຕິວັດລາວ, ປະຊາຊົນລາວອ້າຍນ້ອງໄດ້ຜັນຂະຫຍາຍມູນເຊື້ອວິລະຊົນປະຕິວັດ, ຜ່ານຜ່າອຸປະສັກ, ສິ່ງທ້າທາຍ, ຍາດໄດ້ບັນດາໄຊຊະນະອັນດັງກ້ອງສະຫງ່າໃນພາລະກິດປົດປອ່ຍປະເທດຊາດ, ປົກປັກຮັກສາແລະສ້າງສາປະເທດຊາດ. ພິເສດ ແມ່ນໃນໄລຍະ 35 ປີແຫ່ງການປະຕິບັດການປ່ຽນແປງໃໝ່, ພັກ, ລັດຖະບານແລະປະຊາຊົນ ສາມາດຍາດໄດ້ບັນດາຜົນສຳເລັດອັນໃຫຍ່ຫຼວງ, ມີຄວາມໝາຍປະຫວັດສາດໃນທຸກຂົງເຂດ, ປະກອບສ່ວນໃນການຍົກສູງບົດບາດແລະອິດທິພົນຂອງພັກປະຊາຊົນປະຕິວັດລາວແລະປະເທດສາທາລະນະລັດປະຊາທິປະໄຕປະຊາຊົນລາວໃນເວທີສາກົນ. ບັນດາຜົນສຳເລັດດັ່ງກ່າວ ເປັນຄວາມປິຕິຍິນດີຂອງ ສອງພັກ, ສອງລັດແລະປະຊາຊົນສອງຊາດລາວ-ຫວຽດນາມ, ທັງເປັນແຮງບັນດານໃຈ ອັນໃຫຍ່ຫຼວງຕໍ່ກັບພາລາກິດແຫ່ງການປ່ຽນແປງໃໝ່, ສ້າງສາແລະປົກປັກຮັກສາປະເທດຊາດຫວຽດນາມ.

ພັກ, ລັດແລະປະຊາຊົນຫວຽດນາມສະໜັບສະໜຸນຢ່າງເຂັ້ມແຂງແລະ ຮອບດ້ານໃນຂະບວນການປ່ຽນແປງໃໝ່ຂອງລາວແລະເຊື່ອໝັ້ນຢ່າງໜັກແໜ້ນວ່າ, ການສືບທອດມູນເຊື້ອຂອງບັນດາຮຸ່ນຄົນໃນເມື່ອກ່ອນ, ເສີມຂະຫຍາຍບັນດາຜົນສຳເລັດທີ່ຍາດມາໄດ້ພາຍໃຕ້ການນຳພາຂອງພັກປະຊາຊົນປະຕິວັດລາວ, ປະເທດຊາດແລະປະຊາຊົນລາວອ້າຍນ້ອງ ຈະສືບຕໍ່ຍາດໄດ້ຜົນສຳເລັດອັນໃໝ່, ໃຫຍ່ຫຼວງກວ່າເກົ່າໃນຂະບວນການປ່ຽນແປງໃໝ່, ປະຕິບັດສຳເລັດບັນດາເປົ້າໝາຍຂອງມະຕິກອງປະຊຸມໃຫຍ່ຄັ້ງທີ XI ຂອງພັກປະຊາຊົນປະຕິວັດລາວແລະແຜນພັດທະນາເສດຖະກິດ-ສັງຄົມ 5 ປີຄັ້ງທີ IX ວາງອອກໄດ້ຢ່າງມີໄຊ; ສ້າງປະເທດລາວ ສັນຕິພາບເອກະລາດປະຊາທິປະໄຕເອກະພາບແລະວັດທະນາຖາວອນໃຫ້ມີຜົນສຳເລັດຕາມຈຸດໝາຍສັງຄົມນິຍົມ.

ພວກຂ້າພະເຈົ້າສຸດທີ່ປິຕິຊົມຊື່ນເປັນຢ່າງຍິ່ງແລະມີຄວາມເອກອ້າງທະນົງໃຈ ຕໍ່ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດແລະການຮວ່ມມືຮອບດ້ານຫວຽດນາມ-ລາວໂດຍແມ່ນປະທານໂຮ່ຈິມິນຜູ້ຍິ່ງໃຫຍ່ແລະປະທານ ໄກສອນພົມວິຫານ, ປະທານ ສຸພານຸວົງທີ່ແສນເຄົາລົບຮັກເປັນຜູ້ກໍ່ຕັ້ງ, ຝຶກຝົນຫຼໍ່ໍ່ຫຼອມແລະ ການນຳຮຸ່ນຕ່າງໆຂອງສອງພັກສອງລັດແລະປະຊາຊົນສອງຊາດໄດ້ອອກເຮື່ອເທແຮງເພີ່ມພູນຄູນສ້າງປັບປຸງແລະບູລະນະໄດ້ນັບມື້ກ້າວເຂົ້າສຸ່ລວງເລິກຢ່າງບໍ່ຢຸດຢັ້ງ, ແທດເໝາະຕົວຈິງແລະມີປະສິດທິຜົນໃນທຸກຂົງເຂດວຽກງານ, ປະກອບສ່ວນຢ່າງຕັ້ງໜ້າ ເຂົ້າໃນຂະບວນການປ່ຽນແປງໃໝ່, ສ້າງສາແລະປົກປັກຮັກສາປະເທດຊາດຢູ່ແຕ່ລະປະເທດ.

ພັກ, ລັດແລະປະຊາຊົນຫວຽດນາມຍາມໃດກໍ່ເຄົາລົບແລະຈົດຈຳເຖິງການສະໜັບສະໜຸນອັນແຮງກ້າ, ການຊ່ວຍເຫຼືອໃຫຍ່ຫຼວງ, ລ້ຳຄ່າ, ມິດຈິດມິດໃຈແລະມີປະສິດທິຜົນ ທີ່ພັກ, ລັດແລະປະຊາຊົນລາວອ້າຍນ້ອງມີຕໍ່ພັກ, ລັດແລະປະຊາຊົນຫວຽດນາມ ຕະຫຼອດໄລຍະທີ່ຜ່ານມາແລະຈະເຮັດສຸດຄວາມສາມາດຂອງຕົນຮ່ວມກັບ ພັກ, ລັດແລະປະຊາຊົນລາວໃນການປົກປັກຮັກສາແລະເພີ່ມພູນຄູນສ້າງສາຍພົວພັນສາມັກຄີພິເສດຫວຽດນາມ-ລາວໃຫ້ນັບມື້ໄດ້ຮັບການເສີມຂະຫຍາຍ, ນຳເອົາຜົນປະໂຫຍດມາສູ່ປະຊາຊົນແຕ່ລະປະເທດ, ເພື່ອສັນຕິພາບ, ສະຖຽນລະພາບ, ການຮ່ວມມືແລະການພັດທະນາໃນພາກພື້ນແລະໃນໂລກ.

ອວຍພອນໃຫ້ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ, ການຮ່ວມມືຮອບດ້ານລະຫວ່າງສອງພັກ, ສອງລັດແລະປະຊາຊົນສອງຊາດຫວຽດນາມ-ລາວ ຈົ່ງຂຽວສົດງົດງາມ, ໝັ້ນຄົງຂະໜົງແກ່ນຕະຫຼອດການລະນານ.