ຄະນະກຳມະການສູນກາງພັກກອມມູນິດຈີນ ສົ່ງໂທລະເລກອວຍພອນ ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກປະຊາຊົນປະຕິວັດລາວ

​|ຢ້ຽມ​ຊົມ: 215 ຄັ້ງ | ເວ​ລາ | 2022-05-15 15:43:37

Warning: Undefined variable $m3 in /home/wwwroot/leaderships.la/public_html/nt.php on line 131

 

   ຄະນະກຳມະການສູນກາງພັກກອມມູນິດຈີນ ຖືເປັນກຽດຕາງໜ້າໃຫ້ແກ່ ພັກກອມມູນິດຈີນ ແລະ ປະຊາຊົນຈີນ ສະແດງຄວາມຊົມເຊີຍຢ່າງສຸດໃຈ ຕໍ່ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງ ພັກປະຊາຊົນປະຕິວັດລາວ ແລະ ຂໍສົ່ງຄວາມອວຍພອນອັນຈິງໃຈມາເຖິງ ສະມາຊິກພັກປະຊາ ຊົນປະຕິວັດລາວ ແລະ ປວງຊົນລາວທຸກຖ້ວນໜ້າ ເນື່ອງໃນໂອກາດໄຂກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກປະຊາຊົນປະຕິວັດລາວ.
   ນັບແຕ່ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງ ພັກປະຊາຊົນປະຕິວັດລາວ ອັນມີ ສະຫາຍ ບຸນຍັງ ວໍລະຈິດ ເປັນເລຂາທິການໃຫຍ່ ຂອງ ສູນກາງພັກປະຊາຊົນປະຕິວັດລາວ ເປັນຕົ້ນມາ ໄດ້ຖືສໍາຄັນຕໍ່ວຽກງານການກໍ່ສ້າງພັກ, ເອົາໃຈໃສ່ເພີ່ມທະວີ ແລະ ສ້າງຄວາມໜັກແໜ້ນໃຫ້ແກ່ ການນໍາພາຂອງພັກ, ເຕົ້າໂຮມຄວາມສາມັກຄີອັນເປັນປຶກແຜ່ນ ນໍາພາທົ່ວພັກ ແລະ ປະຊາຊົນລາວທຸກຖ້ວນໜ້າ ຊຸກຍູ້ພາລະກິດແຫ່ງການກໍ່ສ້າງ ລະບອບສັງຄົມນິຍົມ ແລະ ການປ່ຽນ ແປງໃໝ່, ພ້ອມທັງຍາດໄດ້ຜົນສໍາເລັດອັນສໍາຄັນເປັນຈໍານວນຫຼວງຫຼາຍ. ພວກຂ້າພະເຈົ້າມີຄວາມປິຕິຊົມ ຊື່ນທີ່ເຫັນວ່າ  ພາຍໃຕ້ການປະເຊີນໜ້າກັບການເກີດ ແລະ ແຜ່ລະບາດຂອງພະຍາດປອດອັກເສບຈາກເຊື້ອຈຸລະໂລກສາຍພັນໃໝ່ແບບກະທັນຫັນ, ສູນກາງພັກປະຊາຊົນປະຕິວັດລາວ ໄດ້ສະແດງບົດບາດເປັນແກນນໍາໃນການນໍາພາ, ຊຸກຍູ້ການສະກັດກັ້ນ-ຄວບຄຸມການລະບາດຂອງພະຍາດໄປຄວບ ຄູ່ກັບການພັດທະນາເສດຖະກິດ-ສັງຄົມ, ເຮັດໃຫ້ການເມືອງມີສະຖຽນລະພາບ, ເສດຖະກິດຂະຫຍາຍຕົວ, ຊີວິດການເປັນຢູ່ຂອງປະຊາຊົນໄດ້ຮັບການ ປັບປຸງດີຂຶ້ນ.
   ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງ ພັກປະຊາຊົນປະຕິວັດລາວ ແມ່ນກອງປະຊຸມຄັ້ງສໍາຄັນ ທີ່ເປີດຂຶ້ນໃນທ່າມກາງທີ່ພາລະກິດ ຂອງ ພັກ ແລະ ສປປ ລາວ ໄດ້ກ້າວເຂົ້າສູ່ໄລຍະປະຫວັດສາດໃໝ່ ເຊິ່ງແນ່ນອນຈະເປັນການປະກອບສ່ວນຢ່າງເລິກເຊິ່ງ ແລະ ຍາວນານ ໃຫ້ແກ່ການຊຸກຍູ້ ພາລະກິດການກໍ່ສ້າງສັງຄົມນິຍົມຂອງລາວ. ພວກຂ້າພະເຈົ້າເຊື່ອໝັ້ນວ່າ ພາຍໃຕ້ການນໍາພາອັນໜັກແໜ້ນ ຂອງສູນກາງພັກປະຊາຊົນປະຕິວັດ ລາວ, ກອງປະຊຸມໃຫຍ່ຄັ້ງນີ້ ຈະໄດ້ກໍານົດທິດທາງທີ່ສໍາຄັນ ແລະ ເປັນກໍາລັງຊຸກດັນເພື່ອຄວາມກ້າວໜ້າ ຂອງ ການພັດທະນາພາລະກິດສັງຄົມນິຍົມ ຢູ່ ສປປ ລາວ.
   ພັກ ແລະ ລັດຖະບານຈີນ ຖືສໍາຄັນລະດັບສູງຕໍ່ສາຍພົວພັນລະຫວ່າງ ສອງພັກ, ສອງລັດ ຈີນ-ລາວ ແລະ ຍິນດີຮ່ວມກັບຝ່າຍລາວຈັດຕັ້ງຜັນຂະ ຫຍາຍຄວາມຮັບຮູ້ອັນສໍາຄັນ ລະຫວ່າງການນໍາສູງສຸດ ຂອງ ສອງພັກ, ສອງລັດ ຈີນ-ລາວ ຕາມຈິດໃຈແຫ່ງການເປັນ “ບ້ານໃກ້ເຮືອນຄຽງທີ່ດີ, ເພື່ອນມິດທີ່ດີ, ສະຫາຍທີ່ດີ ແລະ ຄູ່ຮ່ວມມືທີ່ດີ” ແລະ ການພົວພັນແບບຄູ່ຮ່ວມຍຸດທະສາດຮອບດ້ານ ຕາມທິດ “ໝັ້ນຄົງຍາວນານ, ບ້ານໃກ້ເຮືອນ ຄຽງທີ່ດີ, ໄວ້ເນື້ອເຊື່ອໃຈເຊິ່ງກັນແລະກັນ ແລະ ຮ່ວມມືຮອບດ້ານ” ລະຫວ່າງ ຈີນ-ລາວ, ຊຸກຍູ້ໃຫ້ສາຍພົວພັນສອງຝ່າຍ ແລະ ການສ້າງຄູ່ຮ່ວມຊາ ຕາກຳ ສືບຕໍ່ກ້າວຂຶ້ນສູ່ລະດັບສູງອັນໃໝ່ເລື້ອຍໆ, ສ້າງຄວາມຜາສຸກໃຫ້ແກ່ປະຊາຊົນສອງຊາດຫຼາຍຂຶ້ນ, ພ້ອມທັງປະກອບສ່ວນໃຫ້ແກ່ການປົກປັກ ຮັກສາສັນຕິພາບ, ສະຖຽນລະພາບ, ການພັດທະນາ ແລະ ຄວາມຈະເລີນຮຸ່ງເຮືອງຂອງພາກພື້ນ ໃຫ້ນັບມື້ນັບຫຼາຍຂຶ້ນ.
   ອວຍພອນໃຫ້ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງ ພັກປະຊາຊົນປະຕິວັດລາວ ຈົ່ງປະສົບຜົນສຳເລັດຢ່າງຈົບງາມ.

                                      ຄະນະກຳມະການສູນກາງພັກກອມມູນິດຈີນ
                                 ນະຄອນຫຼວງປັກກິ່ງ, ວັນທີ 13 ມັງກອນ 2021