ສານສະແດງຄວາມເຫັນໃຈ

​ເຜີຍ​ແຜ່​ໂດຍ: admin|ຢ້ຽມ​ຊົມ: 113 ຄັ້ງ | ເວ​ລາ | 2023-08-05 12:25:15

ຄະນະບໍລິຫານງານສູນກາງ ພັກປະຊາຊົນປະຕິວັດລາວ ໄດ້ຮັບຂ່າວວ່າ ນັບແຕ່ ທ້າຍເດືອນ ກໍລະກົດ 2023 ເປັນຕົ້ນມາ ພາຍຸດອກຊູຣິ ທີ່ພັດຜ່ານເຂດແຄມຝັ່ງທະເລ ໃນພາກກາງ ແລະ ພາກຕາເວັນອອກສ່ຽງເໜືອຂອງ ສາທາລະນະລັດ ປະຊາຊົນຈີນ ໄດ້ກໍ່ ໃຫ້ເກີດມີຝົນຕົກໜັກ ແລະ ໄພພິບັດນໍ້າຖ້ວມ, ໂດຍສະເພາະ ຢູ່ ນະຄອນຫຼວງປັກກິ່ງ, ແຂວງເຮີເປີຍ ແລະ ເຂດໃກ້ຄຽງ, ອັນໄດ້ສ້າງຄວາມເສຍຫາຍຕໍ່ພື້ນຖານໂຄງລ່າງ, ການຜະ ລິດ, ເສດຖະກິດ-ສັງຄົມ, ຊີວິດ ແລະ ຊັບສິນຂອງປະຊາຊົນ ໃນພື້ນທີ່ດັ່ງກ່າວຢ່າງໜັກ ໜ່ວງ.

      ໃນນາມ ຄະນະບໍລິຫານງານສູນກາງພັກ, ລັດຖະບານ ແລະ ປະຊາຊົນລາວບັນດາ ເຜົ່າ, ພວກຂ້າພະເຈົ້າ ຂໍສະແດງຄວາມເຫັນອົກເຫັນໃຈຢ່າງສຸດຊຶ້ງ ແລະ ຂໍແບ່ງປັນຄວາມ ໂສກເສົ້າເສຍໃຈ ມາຍັງ ຄະນະກໍາມະການສູນກາງພັກກອມມູນິດຈີນ, ລັດຖະບານ ກໍຄື ຄະນະພັກ, ອໍານາດການປົກຄອງທ້ອງຖິ່ນ ແລະ ປະຊາຊົນ ທີ່ໄດ້ຮັບເຄາະຮ້າຍຈາກໄພພິ ບັດດັ່ງກ່າວ.

      ພວກຂ້າພະເຈົ້າ ເຊື່ອໝັ້ນວ່າ, ພາຍໃຕ້ການຊີ້ນໍາ-ນໍາພາອັນເຂັ້ມແຂງ ແລະ ທັນການ ຂອງສູນກາງພັກກອມມູນິດຈີນ, ລັດຖະບານ ສປ ຈີນ ກໍຄື ຄະນະພັກ-ອໍານາດການ ປົກຄອງທ້ອງຖິ່ນທີ່ກ່ຽວຂ້ອງ, ປະຊາຊົນຈີນອ້າຍນ້ອງ ຈະສາມາດຜ່ານຜ່າ ແລະ ແກ້ໄຂຜົນ ກະທົບທີ່ເກີດຈາກໄພທຳມະຊາດຄັ້ງນີ້ຢ່າງມີປະສິດທິຜົນ, ຊີວິດການເປັນຢູ່ຂອງປະຊາຊົນ ໃນເຂດປະສົບໄພດັ່ງກ່າວ ຈະໄດ້ຮັບການຟື້ນຟູ ແລະ ກັບຄືນສູ່ສະພາບປົກກະຕິໂດຍໄວ.